La cartilla del campesinu

Si quierih ser campusino
prencipiaras con la siembra
siguiendu tó el procesu
jasta que llegui la siega
y estar en está dispuestu
pa dirti al cortí con juerza.

Pus, por lo menus tendras
que dir de ataor a ella
jaciendu ñus con el balagu
atandu la mies mu prieta
trujiendu agua a los hombris
de argún pozu que este cerca.

Tamien iras a l'era
y allí; montau en el trillu
jaras roangas enteras
jasta que'l granu y la paja
de tantu habel siu cortaus
andin, ca unu pol su cuenta.

Endispues bieni la limpia
si el vientu mos acompaña
aventaremus la parba
con los liendrus, con las palas
pa que asin de esta manera
se separin granu y paja.

El granu hemus de trael
en costalis aqui a casa
y vaciarlu en la trojí;
o meterlu aondi mos caba
esperandu a poel vendelu
a quien mejor mos lo paga

                                David